- वि.सं २o८१ बैशाख २० बिहीबार
म्याग्दीको रघुगंगा गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार विजयी भएका छन् । कांग्रेसका भवबहादुर भण्डारीले चार हजार ३८ मत ल्याए भने उपाध्यक्षमा कांग्रेसकै प्रेमकुमारी पुनले तीन हजार तीन सय ६४ मत ल्याएर निर्वाचित भएको सहायक निर्वाचन अधिकृत अमृत सुवेदीले जानकारी दिए ।
भण्डारी दोस्रो कार्यकालका लागि गाउँपालिका अध्यक्षमा निर्वाचित भएका हुन् । अध्यक्षमा एमालेका प्रेमबहादुर कार्कीले तीन हजार दुई सय ८९, नेकपा माओवादी केन्द्रकी मीना विकले नौ सय ९५, उपाध्यक्षमा एमालेकी यामकुमारी गर्बुजाले तीन हजार दुई सय ४५ र माओवादी केन्द्रका रिमबहादुर कटुवालले एक हजार सात सय ८३ मत प्राप्त गरेका छन् ।
आठवटा वडा रहेको रघुगंगाको पाँचवटा वडामा कांग्रेस र तीनवटा वडामा एमालेका उम्मेदवार प्यानलसहित विजयी भएका छन् ।
