- वि.सं २o८१ बैशाख २२ शनिबार
मध्यपहाडी लोकमार्गअन्तर्गत बाग्लुङको गलकोटमा पिकअप जिप दुर्घटना हुँदा तीनजना घाइते भएका छन् । गलकोटबाट बाग्लुङ बजारतर्फ आउँदै गरेकोे ग.२च ४००७ नम्बरको प्राइभेट पिकअप जिप गलकोट नगरपालिका– २ मौरिया भन्ने स्थानमा दुर्घटना भएको हो ।
दुर्घटनामा गलकोट नगरपालिकाका प्रमुख प्रशासकीय अधिकृत हरिप्रसाद शर्मा, प्रशासकीय अधिकृत तुलबहादुर विक र अर्का एकजना युवा घाइते भएको गलकोट नगरपालिका– २ का वडाध्यक्ष हिमबहादुर भण्डारी हेमन्तले जानकारी दिए ।
जिप लोकमार्गबाट ५० मिटर तल खसेको छ । शर्मा र विक नगरपालिकाको कामको सिलसिलामा जिल्ला प्रशासन कार्यालय बाग्लुङ आउँदै गरेका थिए । जिपका चालक चन्द्रबहादुर विक भने सकुशल रहेको भण्डारीले जानकारी दिए । घाइते तीनै जनालाई उद्धार गरी उपचारका लागि हटिया लगिएको छ ।
