- वि.सं २o८१ बैशाख २० बिहीबार
कांग्रेस धनुषा सभापतिमा विमलेन्द्र निधि समूहका योगेन्द्र पजियार विजयी भएका छन् । दोस्रो चरणमा भएको विर्नाचनमा उनी विजयी भएका हुन् । पजियारले संस्थापन पक्षका सन्तोष यादवलाई ६ सय ८९ मतले पराजित गरेका छन् । पजियारले १ हजार ७ सय ३५ र यादवले १ हजार ४६ मत ल्याएका छन् ।
उपसभापति र सचिवमा पनि निधि समूहकै उम्मेदवार विजयी भएका छन् । निधि समूहबाट उपसभापतिमा गणेश झा र लक्ष्मीनारायण यादव निर्वाचित भएका छन् । झाले १ हजार १४९ र यादवले १ हजार २५४ मत ल्याएका हुन् ।
संस्थापनतर्फबाट उपसभापति पदका उम्मेदवार रहेका सुरेन्द्रप्रसाद मुन्नाले ७९८ र रामसोभित दाहा धानुकले ७६५ मत प्राप्त गरेका छन् । सभापतिका शेखर कोइराला समूहका गणेशप्रसाद जयसवालले ७०८ र हरिशंकर साहले ५९६ मत पाएका छन् ।
सचिव पदमा निधि समूहकै कन्हैयाकुमार कर्ण र देवेन्द्रकुमार भरखेर विजयी भएका छन् । कर्णले १ हजार १६० र भरखेरले १ हजार १७७ मत ल्याएका छन् । देउवा समूहका धीरेन्द्रमोहन झाले ८३३ र शिवशंकर गोइत साधुले ८३२ मत प्राप्त गरेका छन् ।
सहसचिवमा पनि निधि समूहकै विजय यादव र मोहम्मद.साकिर राइन विजयी भएका छन् । निर्वाचन समितिका सदस्य रामगुलाम कर्णका अनुसार सोमबार सदस्यको मतगणना हुनेछ ।
