- वि.सं २o८१ बैशाख १८ मंगलबार
नेपाली कांग्रेसका सांसद डा मीनेन्द्र रिजालले अमेरिकाबाट मात्र नभएर भारत र चीनबाट पनि सहयोग लिएर देशको विकास गर्नुपर्ने बताएका छन् । आइतबार प्रतिनिधिसभा बैठकमा बोल्दै सांसद रिजालले यस्तो बताएका हुन् । चीन, अमेरिका, भारत सबैतिरबाट फाइदा लिऔँ । नेपाललाई एउटा कुनाको टापु बनाएर ‘पराया स्टेट’ नबनाऔँ', नेता रिजालले भने, ‘सत्तामा बस्नेलाई पनि चेतना आओस् । यहाँ बसेर नारा लाउने साथीहरूलाई पनि आओस् ।’
प्रमुख प्रतिपक्षी दल नेकपा एमालेलाई लक्षित गर्दै नेता रिजालले नारा लाएर मात्रै लोकतन्त्र बलियो नहुने टिप्पणी गरे । एमालेको माग पूरा गरेर जानको लागि वातावरण बनाउन दिन पनि उनले एमालेलाई अग्रह गरे । हिजो सत्तामा र यो सम्झौता ल्याउँदा संगै भएकाले अहिले विभिन्न ठाउँमा बाँडिएर मुलुकलाई अप्ठ्यारोमा नलानसमेत उनले आग्रह गरे ।
नेपाली जनतालाई गुमराहमा राख्न नहुने बताउँदै सांसद रिजालले भने, ‘चीन र भारतबाट सहायता लिऔँ । बिआरआईबाट पनि सहायता लिऔँ । यो सहायता हामीले एमसिसीबाट लिन्छौँ भने अरू परियोजनाबाट सहायता चीनबाट लिऔँ । यसरी नेपालको विकास गर्ने बाटोमा जाऔँ ।’
