कायममुकायम प्रधानन्यायाधीश दीपककुमार कार्कीले सर्वोच्च अदालतको पूर्ण बैठक (फुलकोर्ट) बोलाएका छन्। कार्कीले अदालत सञ्चालनका सम्बन्धमा छलफलका लागि दिउँसो १ बजेका लागि फुलकोर्ट आह्वान गरेका सर्वोच्चले जनाएको छ।

आइतबार प्रधानन्यायाधीश चोलेन्द्रशमशेर जबराविरुद्ध महाभियोगको प्रस्ताव दर्ता भएपछि जबरा स्वतः निलम्बनमा परेका थिए। तत्पश्चात् कामु प्रधानन्यायाधीशको जिम्मेवारी कार्कीले पाएका हुन्।