छैटौँ संस्करणको मिस तामाङ पोखरा–२०२२ को उपाधि मान्सी तामाङले जितेकी छिन् । बैदाम तामाङ सेवा समाजको आयोजनामा भएको प्रतियोगिताको फाइनलमा सहभागी अन्य नौजना प्रतिस्पर्धीलाई पछि पार्दै पोखरा रानीपौवाकी मान्सीले उपाधिसँगै नगद एक लाख जितेकी छिन् ।
भर्चुअल रूपमा सम्पन्न प्रतियोगिताको उपाधिसँगै मान्सीले बेस्ट स्माइलको सबटाइटलसमेत जितेकी छिन् । यस्तै, आशिका तामाङ फस्ट रनर अप बन्दै ५० हजार नगद पुरस्कार प्राप्त गरिन् । आशिकाले मिस अर्गनाइज्डको सबटाइटल पनि पाइन् ।
पूजा तामाङ सेकेन्ड रनर अप हुँदै ३० हजार नगद पुरस्कार पाइन् । पेमा तामाङले मिस ट्यालेन्ट र भ्युयर्स च्वाइसको उपाधिसँगै नगद २० हजार पुरस्कार हात पारिन् ।