नेपाली कांग्रेसका नेता एवं पूर्वमन्त्री सुनीलबहादुर थापालाई कोरोना संक्रमण पुष्टि भएको छ। आइतबार साँझ गरिएको परीक्षणमा थापालाई कोरोना पोजिटिभ देखिएको हो। उनलाई गतवर्ष पनि कोरोना संक्रमण भएको थियो।
कांग्रेस केन्द्रीय सदस्यसमेत रहेका थापा मालीगाउँस्थित घरमै आइसोलेसनमा बसेको उनका छोरा एवं कांग्रेस युवा नेता सिद्धार्थ थापाले जानकारी दिए। ‘स्वास्थ्य अवस्था असहज भएपछि आइतबार साँझ सिद्धि पोलिक्लिनिकमा परीक्षण गराएका थियौँ। कोरोना पुष्टि भएपछि उहाँ औषधि सेवन गरेर घरमै आइसोलेसनमा बस्नुभएको छ,’ सिद्धार्थले नयाँ पत्रिकासँग भने।
See More On
