निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ जेठ १२ बिहीबार
  • Thursday, 26 May, 2022
२०७८ माघ १० सोमबार १५:४३:००
Read Time : < 1 मिनेट
समाचार डिजिटल संस्करण

चोरी मुद्दाका फरार अपराधी १७ वर्षपछि पक्राउ

Read Time : < 1 मिनेट
२०७८ माघ १० सोमबार १५:४३:००

नकवजनी चोरी मुद्दामा दोषी साबित भई फरार रहेका एक व्यक्ति १७ वर्षपछि पक्राउ परेका छन्। काठमाडौंमा पसल चोरी गरेको मुद्दामा दोषी साबित भई फरार रहेका रामेछापको दोरम्बा सैलुङ गाउँपालिका– ४ गौश्वाराका ४५ वर्षीय श्यामबहादुर थापामगरलाई प्रहरीले आइतबार दिउँसो पक्राउ गरेको हो।

काठमाडाैं जिल्ला अदालतले ०६१ साल जेठ २ गते दोषी ठहर गरी एक लाख १६ हजार सात सय जरिवाना र दुई महिना ६ दिन कैद फैसला सुनाएको थियो। अदालतको फैसलालगत्तै थापामगर फरार भएका थिए।

उनी लुकी–पिछी आफ्नै घरमा बस्दै आएको भन्ने सूचनाको आधारमा इलाका प्रहरी कार्यालय टोकरपुरबाट खटिएको प्रहरी टोलीले गौश्वाराको पासी वनमा पैदल हिँडिरहेको अवस्थामा पक्राउ गरेको हो।

पक्राउ परेका थापामगरलाई सोमबार रामेछाप जिल्ला अदालतमा बुझाई अदालतको आदेशअनुसार आजैबाट कैद भुक्तान हुने गरी जिल्ला कारागार कार्यालय रामेछापमा चलान गरिएको जिल्ला प्रहरी कार्यालय रामेछापका प्रहरी नायव उपरीक्षक नवराज ढुंगानाले जानकारी दिए।