काठमाडौं महानगरपालिका– ६ कपनमा ‘लिभिङ टुगेदर’मा बस्दै आएका दुईजनाको रहस्यमय रूपमा मृत्यु भएको छ । खोटाङ साकेला गाउँपालिका– ५ घर भएकी २२ वर्षीया युसिना राई गएराति कोठामा मृत अवस्थामा फेला परेकी र उनीसँगै बस्ने संखुवासभा घर भएका २५ वर्षीय अनिष जिमीको उपचारको क्रममा मृत्यु भएको छ । उनीहरू पब्जी खेलबाट चिनाजान भएको र झन्डै एक महिनादेखि सँगै बस्दै आएका थिए ।
आफन्तको घरमा बसेका उनीहरू चिच्याएको आवाज सुनिएपछि राति कोठामा हेर्दा गम्भीर अवस्थामा फेला परेको परिवारले जनाएको छ । प्रहरीकोमा राति १२ः४५ बजे घटनाबारे जानकारी आएको र तत्कालै प्रहरी परिचालन गरिएको महानगरीय प्रहरी परिसरका प्रवक्ता प्रहरी उपरीक्षक दिनेशराज मैनालीले जानकारी दिए ।
प्रहरीले पब्जी खेलकै कारण घटना घटेको आशंका गरेको छ । घटनाको अनुसन्धान भइरहेको उनले जानकारी दिए । शरीरमा रगत लतपतिएको र चक्कुले हानेको घाउ छ ।