कर्णाली प्रदेशका मुख्यमन्त्री जीवनबहादुर शाहीले विश्वासको मत लिनका लागि प्रदेश सभाको बैठकमा प्रस्ताव पेस गरेका छन्। मंगलबार बसेको  प्रदेश सभाको बैठकमा मुख्यमन्त्री शाहीले विश्वासको मत लिनका लागि प्रस्ताव पेस गरेका हुन्।

मुख्यमन्त्री नियुक्त भएको ३० दिनभित्र विश्वासको मत लिइसक्नुपर्ने संवैधानिक व्यवस्था छ। मुख्यमन्त्री शाही तीनदलीय गठबन्धनको समर्थनमा कात्तिक १६ गते मुख्यमन्त्रीमा नियुक्त भएका थिए।

मुख्यमन्त्री शाहीले विश्वासको मत भने भोलि बुधबारको बैठकमा लिनेछन्। आज प्रमुख प्रतिपक्ष दल एमाले उपस्थित नभएकाले विश्वासको मत भोलि लिने तयारी भएको प्रदेश सभा सचिवालयले जनाएको छ। बैठक भोलि १ बजेका लागि बोलाइएको छ ।