Read Time : < 1 मिनेट
२o८१ बैशाख ३१ सोमबार २१:११:oo
कपिलवस्तुको बुद्धभूमि नगरपालिका वडा नम्बर १० स्थित गोरुसिंगे जंगलमा गोली प्रहार गरी ८ लाख नगद लुटपाट गरेर अज्ञात व्यक्तिहरू फरार भएका छन् । तौलिहवा गोरुसिंगे सडकअन्तर्गत तिलौराकोट साझेदारी वनको अफिसभन्दा केही पर मोटरसाइलमा आएका दुईजनाले कारमा सवार एकजना माथि गोली प्रहार गरी निजको नगद लुटेर भागेका हुन् ।
बिहीबार दिउँसो ३ बजेतिर प्र ३ ०१ २३ च ८०८९ नम्बरको कारमा सवार मायादेवी गाउँपालिका– ४ चाकरचौडाका रामरक्षा जैसवालमाथि गोली प्रहार गरी लुटेरहरू भागेको प्रहरी उपरीक्षक दानबहादुर कार्कीले बताएका छन् ।
