मोरङ जिल्ला अदालत परिसरमा कार दुर्घटना हुँदा महिलाको मृत्यु

Read Time : < 1 मिनेट

गणेश लम्साल, विराटनगर

नयाँ पत्रिका

२o८१ बैशाख २० बिहीबार o८:१४:oo

जिल्ला अदालत मोरङ परिसरभित्र कार दुर्घटना हुँदा एकजना महिलाको मृत्यु भएको छ । अदालतका ५ नम्बर न्यायधीश ईश्वर पराजुली चढ्दै आएको बा.१४च ६०१६ नम्बरको कार मंगलबार दिउँसो साढे ४ बजे अचानक अदालतभित्रै दुर्घटना हुँदा परिसरभित्र क्यान्टिन सञ्चालन गर्ने महालक्ष्मी नगरपालिका– १ धनकुटा स्थायी घर भएकी ४२ वर्षीया लक्ष्मी दहालको मृत्यु भएको हो ।

प्रत्यक्षदर्शीका अनुसार न्यायाधीश पराजुली चढ्ने उक्त कार पिएसओ नेपाल प्रहरीका हवल्दार बिन्दकुमार सिंहले चलाउँदा कार अदालत परिसरमा रहेको क्यान्टिनभित्र छिरेर महिलालाई ठक्कर दिएको थियो । अचानक क्यान्टिनभित्र छिरेको कारको ठक्करबाट घाइते भएकी महिलाको उपचारका लागि अस्पताल लगिए पनि उनको तुरुन्तै मृत्यु भएको थियो ।

मोरङ प्रहरी पवक्ता डिएसपी दीपक श्रेष्ठले पिएसओलाई नियन्त्रणमा लिएर घटनाको अनुसन्धान थालेको बताए ।

#दुर्घटना