महाकवि लक्ष्मीप्रसाद देवकोटाको पुरानो घर भत्काएको विरुद्धको मुद्दामा सर्वोच्च अदालतले अन्तरिम आदेश दिएको छ । अधिवक्ता सञ्जय अधिकारीले दर्ता गरेको रिटमाथि आइतबार न्यायाधीश अनिलकुमार सिन्हा र बमकुमार श्रेष्ठको इजलासले अन्तरिम आदेश दिएको हो ।
रिटमा अहिलेसम्म भत्काइएको संरचनालाई थप क्षति नपु¥याउन अन्तरिम आदेश माग गरिएको थियो । साथै भत्काएर नयाँ बनाउन लागिएको संरचनामा त्रुटि रहेको र तयार भएको डिजाइनअनुसारको संरचनाले मौलिकता जोगाउन नसक्ने जिकिर गरिएको थियो ।
रिटमाथि सुनुवाइ गर्दै सर्वोच्चले निवेदकको मागबमोजिम अन्तरिम आदेश जारी गरेको हो ।
