- वि.सं २o७८ श्रावण १७ आइतबार
सत्य घटनामा आधारित उपन्यास ‘सखिला’ विमोचन गरिएको छ । उत्तम निरौलाद्वारा लिखित उपन्यास शनिबार आयोजित एक कार्यक्रममा वरिष्ठ साहित्यकार पद्मावती सिंहले विमोचन गरिन् ।
उपन्यासमा नेपाली महिलाले भोग्नुपरेका विभिन्न सामाजिक पाटो उजागर गरिएको छ । सिंहले नेपाली नारीहरूले समाजमा भोग्ने उत्पीडन र मनोवैज्ञानिक असरको विषयमा स्रष्टाले कलम चलाउनु नारीहरूको निम्ति गौरवको विषय भएको बताइन् ।
‘सखिला’ तथा दृष्टिकोण परिवारले आयोजना गरेको कार्यक्रममा वरिष्ठ साहित्यकार श्रीओम श्रेष्ठ, शंकर भारती, वृन्दादेवी निरौला, विश्वराज ढुंगानालगायतको उपस्थिति रहेको थियो ।
लेखक निरौलाको दोस्रो कृति ‘सखिला’ हिमशिखर बुक्सले बजारमा ल्याएको हो ।
2024-09-18-01-30-27.gif)
2024-09-18-01-30-29.gif)
