Skip This
जनता समाजवादी पार्टी (जसपा)को उपेन्द्र यादव पक्षले निर्वाचन आयोगले पूर्वाग्रहपूर्ण निर्णय गरेको निष्कर्ष निकालेको छ । अध्यक्ष उपेन्द्र यादवले मंगलबार प्रेस विज्ञप्ति जारी गरी आयोगले निष्पक्ष, तटस्थ भूमिका निर्वाह गर्न नसकेको जिकिर गरेका छन् ।
आयोगले राजनीतिक दलको बहुमतको निर्णय मान्य हुने लोकतान्त्रिक मूल्य, मान्यता, विधि र पद्धतिको सम्पूर्ण रूपले अवज्ञा, उपेक्षा र तिरस्कार गरेको यादवको दाबी छ । आयोगको कामकारबाहीविरुद्ध राजनीतिक र कानुनी उपचारका लागि लडाइँ जारी राख्ने पनि यादवले बताएका छन् ।
पछिल्लो राजनीतिक घटनाक्रमबारे निर्णय लिन यादवले कार्यकारिणी समितिको बैठक पनि बोलाएका छन् । केन्द्रीय कार्यालय बालकुमारीमा बिहीबार बिहान ११ बजे बैठक बस्नेछ ।
