एमाले नेता भीम रावलले प्रधानमन्त्री केपी ओलीलाई पदमुक्त गर्न आवश्यक रहेको बताएका छन् । बुधबार ट्विट गर्दै रावलले सांसद पदबाट राजीनामा गरी स्थिति निर्माण गर्नुपर्ने बताएका छन् ।
उनले भनेका छन्, ‘असाधारण समस्याको समाधान गर्न असाधारण पाइला चाहिन्छ । थप राष्ट्रिय हित, पार्टी विधानविपरीत र अलोकतान्त्रिक कार्य गर्नबाट प्रधानमन्त्री केपीलाई रोक्न पदमुक्त गर्नु आवश्यक छ । त्यसका लागि हामीले सांसद पदबाट राजीनामा गरी स्थिति निर्माण गर्नुपर्छ । यो राजनीतिक नैतिकता र कानुनी दृष्टिले धेरै उचित छ ।’