- वि.सं २o८१ बैशाख १९ बुधबार
प्रदेश १ सभाको बैठक अझै सुरु हुन सकेको छैन । नेकपाका दुई समूहबीच सहमति जुट्न नसकेपछि दिउँसो २ बजेका लागि बोलाइएको बैठक सुरु हुन नसकेको हो ।
चार घन्टादेखि कार्यव्यवस्था परामर्श समितिको बैठक बसिरहेको छ । बैठकमा नेकपा ओली समूहका नेताहरूले बैठक सूचना टाँसेर स्थगित गर्नुपर्ने बताएका छन् भने प्रचण्ड–माधव समूहका नेताहरूले बैठक राखेर मुख्यमन्त्रीविरुद्धको अविश्वासको प्रस्ताव पेस गरिनुपर्ने अडान राखेका छन् । विपक्षी दलहरूले पनि बैठक सञ्चालन गर्नुपर्ने बताएका छन् ।
