- वि.सं २o७७ पौष २९ बुधबार
प्रज्ञा भवनको डबलीमा मंगलबार कलाकारहरूले संसद् विघटन असंवैधानिक भन्दै कालो रंग र ब्रस लिएर प्रदर्शन गरे ।
लामो सेतो कपडा बिछ्याइएको छ । सेतो कपडामा रंग छ्यापिरहेका छन् कलाकारहरू रवि मिश्र, रवीन्द्र श्रेष्ठ र रसिक राज । मुमेन्ट आर्टमा कालो, पहेँलो र रातो रंगसँगै कलाकारका हात कपडामा दगुरिरहेका छन् । कालोले भन्छ– प्रतिगमन, सरकारको असंवैधानिक कदम । पहेँलोले भन्छ– केपी ओलीको पञ्चायतकालीन रवाफ । रातोले भन्छ– आशाहरू निभ्न दिनुहुँदैन, परिवर्तन असम्भव छैन । प्रत्येक निरंकुश शासक पतन भएर जानेछ । नयाँ पत्रिकाकर्मी दीपेन्द्र ढुंगानाको क्यामेरामा कैद भएका केही तस्बिर :
