सरकारले कोरोना महामारीपछि बन्द गरेको भारत र चीनसँगको सीमालाई अझै बन्द राख्ने निर्णय गरेको छ ।
मंगलबार बसेको मन्त्रिपरिषद् बैठकले हाल बन्द रहेको सीमालाई अझै बन्द अवस्थामा नै राख्ने निर्णय गरेको हो ।
एक मन्त्रीले कोरोनाको अवस्थालाई विचार गरेर सीमा अझै बन्द नै राख्ने निर्णय गरिएको बताए ।
सरकारले कोरोना महामारीपछि अत्यावश्यक अवस्थामा भारततर्फ ११ वटा नाकाबाट र चीनतर्फ एउटा नाकाबाट आवतजावत गर्न पाउने निर्णय गरेको थियो ।
तराईका जिल्लाहरूमा सिमाना खुला गर्नुपर्ने मागसहित केही दिनदेखि स्थानीयले प्रदर्शनसमेत गर्दै आएका छन् ।
