‘राजा आऊ, देश बचाऊ’को नारा लगाउँदै जनकपुरमा राजावादीले प्रदर्शन गरेका छन् । जनकपुरको रेल्वे स्टेसनबाट सुरु भएको प्रदर्शनमा सहभागीले नेपाललाई पुनः हिन्दू राष्ट्र कायम गर्नुपर्ने, २०४७ को संविधान लागू गर्नुपर्नेलगायतका माग गरेका छन् ।
उनीहरूले जनकपुरको भानुचोक, कदमचोक, विद्यापतिचोक, विश्वकर्माचोक हुँदै जनकचोकमा पुगेर कोणसभा गरेका थिए । कोणसभालाई सम्बोधन गर्दै नेपाल राष्ट्रवादी समूहका नेता कारी यादवले भ्रष्टाचार, हत्याहिंसा बढ्दै गएकाले विकृतिलाई रोक्न राजतन्त्र आवश्यक रहेको बताए । आमनेपालीको सहमतिविना केही राजनीतिक पार्टीहरूले आफ्ना स्वार्थसिद्ध गर्न राजतन्त्रलाई समाप्त गरेको उनको दाबी छ ।