Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ मङ्सिर ९ मंगलबार
  • Tuesday, 24 November, 2020
ad
२०७७ मङ्सिर ५ शुक्रबार १५:५८:००
समाचार डिजिटल संस्करण

पाँचथरको फालोटमा चौथो बिओपी स्थापना  

२०७७ मङ्सिर ५ शुक्रबार १५:५८:००

पाँचथर जिल्लामा अन्तरदेशीय सीमा क्षेत्रमा स्थापना गर्ने भनिएका बोर्डर आउट पोस्ट (बिओपी)मध्ये चाैथो पोस्ट स्थापना गरिएको छ । सशस्त्र प्रहरीको टोली शुक्रबार फालेलुङ गाउँपालिका– ४ मा रहेको फालोट गोर्खे पुगेको छ ।  

भौतिक निर्माण तथा यातायातमन्त्री वसन्तकुमार नेम्वाङको उपस्थितिमा मंसिर ७ का लागि तय भएको उद्घाटन कार्यक्रम मन्त्रीको व्यस्तताका कारण स्थगित भए पनि सशस्त्र प्रहरीको टोली सीमा क्षेत्रमा पुगेको छ । औपचारिक कार्यक्रम सरे पनि सुरक्षाकर्मी पुगिसकेको फालेलुङ गाउँपालिकाले जनाएको छ । 

पोस्टका लागि खटाइएका सुरक्षाकर्मी तोकिएको ठाउँमा पुगिसकेका छन् । औपचारिक कार्यक्रम भने केही समय धकेलिएको फिदिमस्थित सशस्त्र प्रहरी बल हिमशिखर गुल्मका प्रमुख डिएसपी किशोर श्रेष्ठले जानकारी दिए । 

नेपाल सरकारले ०७६ मंसिरमा गरेको निर्णयअनुसार नेपाल–भारत तथा नेपाल– चीनबीचको सीमा क्षेत्रमा राखिने बोर्डर आउट पोस्ट (बिओपी) धमाधम स्थापना गर्दै आएको छ । 

फालोटमा स्थापना भएको पाेस्टसँगै पाँचथरमा राख्ने भनिएका सबै पोस्ट स्थापना भएका छन् । पछिल्लोपटक गत साता मात्रै याङवर गाउँपालिका– १ मा पर्ने तोरिफुलेमा पोस्ट स्थापना गरिएको थियो ।