एनआइबिएल एस क्यापिटल लिमिटेडले आर्थिक वर्ष ०७६/७७ को नाफाबाट चुक्ता पुँजीको २२.२२ प्रतिशत नगद लाभांश दिने भएको छ । कम्पनीको साधारणसभाले नगद लाभांशको प्रस्ताव पारित गरेको हो ।
काठमाडौंमा सम्पन्न भएको आठौँ वार्षिक साधारणसभाले आर्थिक वर्ष ०७६/७७ को सञ्चालक समितिको प्रतिवेदन तथा वासलात, नाफा–नोक्सान हिसाब र नगद प्रवाह विवरण पारित गरेको जनाइएको छ ।
कम्पनीको एक मात्र सेयरधनी नेपाल इन्भेस्टमेन्ट बैंक लिमिटेडका वरुण श्रेष्ठले बैंकको तर्फबाट प्रतिनिधित्व गरेका थिए । सञ्चालक समिति अध्यक्ष सचिन टिवडेवालको अध्यक्षतामा भएको सभामा सञ्चालक दीपककुमार श्रेष्ठ, वन्दना थापा र रवीन्द्र भट्टराईको समेत उपस्थिति रहेको जनाइएको छ ।