Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ कार्तिक १३ बिहीबार
  • Thursday, 29 October, 2020
ad
२०७७ असोज १४ बुधबार १४:३५:००
समाचार डिजिटल संस्करण

जुम्ला दोस्रोपटक कोरोना शून्य जिल्ला

२०७७ असोज १४ बुधबार १४:३५:००

चन्दननाथ नगरपालिका– २ मा होम आइसोलेसनमा बसेकी कोरोना संक्रमित महिला निको भएसँगै जुम्ला पुनः कोरोना संक्रमण शून्य जिल्ला भएको छ ।

पहिलोपटक १२ साउनमा सबै संक्रमित निको भएपछि कोरानामुक्त भएको थियो । दोस्रोपटक पुनः जुम्लामा सबै निको भएर संक्रमण शून्य जिल्ला बनेको सहायक प्रमुख जिल्ला अधिकारी ओमप्रकाश देवकोटाले बताए । 

लकडाउन भएयता यहाँका आठ स्थानीय तहका नौ हजार सात सय ३५ जना नागरिकको स्वाब परीक्षण गर्दा दुई सय २० जनामा संक्रमण देखिएको थियो । संक्रमण देखिएका सबै अहिले निको भइसकेको जिल्ला प्रशासन कार्यालयले जनाएको छ ।

अब लक्षण देखिए मात्र परीक्षण 
संघीय सरकारको निर्देशनअनुसार अब लक्षण देखिए मात्र कोरोना भाइरसको परीक्षण गर्ने गरिएको प्रमुख जिल्ला अधिकारी भूपेन्द्र थापाले बताए । 

लक्षण देखिएकालाई निःशुल्क र लक्षण नदेखिएकाले गर्न चाहे शुल्क तिरेर परीक्षण गराउन सक्ने थापाले जानकारी दिए ।