Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ कार्तिक १३ बिहीबार
  • Thursday, 29 October, 2020
ad
२०७७ असोज ८ बिहीबार १७:५०:००
मुख्य समाचार डिजिटल संस्करण

नारायणीमा खतराको तह पार, नदीतटीय क्षेत्रमा उच्च सतर्कता अपनाउन आग्रह

२०७७ असोज ८ बिहीबार १७:५०:००

लगातारकाे वर्षाले चितवनका नदीमा पानीको सतह बढेको छ । नारायणी नदीमा खतराको तह पार गरेको छ भने राप्तीमा समेत पानीको बहाव बढ्दै गएको जल तथा मौसम विज्ञान विभागले जनाएको छ । विभागले नदीतटीय क्षेत्रमा उच्च सतर्कता अपनाउन सर्वसाधारणलाई आग्रह गरेको छ ।

जिल्ला प्रशासन कार्यलय चितवनसँगै यहाँका स्थानीय तहहरूले विज्ञप्ति जारी गर्दै सुरक्षित रहन सबैलाई अपिल गरेका छन् । यता माडीको  मगोई, रौतने, रिमाल, घाघर, बघई, रिउलगायतका खोलामा बाढी आएपछि सडक अवरुद्ध भएको छ । 

 माडीका अधिकांश खहरे खोलामा बाढी आएकोले यातायात आवागमन ठप्प भएको माडी नगरपालिका विपत् व्यवस्थापनका स्रोतव्यक्ति गोविन्द न्यौपानेले बताए । माडीका अधिकांश खोलामा पुल नभएकोले बाढी आउनासाथ सडक अवरुद्ध हुने गरेका छन् । 

चितवनका भित्री सडक बाढीका कारण यातायात अवरुद्ध भए पनि अहिले नारायणगढ मुग्लिङ सडकखण्ड भने सुचारु नै रहेको जिल्ला प्रहरी कार्यालय चितवनका प्रहरी प्रवक्ता सूर्य थापाले जानकारी दिए ।