नेत्रविक्रम चन्द विप्लव नेतृत्वको नेकपाका दुई कार्यकर्ताले आत्मसर्पण गरेका छन् । रामेछापको खाडादेवी गाउँपालिका–१ राकाथुमका कालमान तामाङ र जसबहादुर तामाङले आत्मसमर्पण गरेका हुन् ।
दुवैजनाले सोमबार जिल्ला प्रशासन कार्यालय रामेछापमा उपस्थित भई आत्मसमपर्ण गरेको प्रमुख जिल्ला अधिकारी लीलाकुमारी पाण्डेले जानकारी दिइन् । नेकपा राज्यविरुद्ध संघर्षमा लागेकाले आफूहरूले पार्टी परित्याग गरेको उनीहरूले बताएका छन् ।
अब आइन्दा सो पार्टीको कुनै पनि जिम्मेवारीमा नरहने तथा नेपालको संविधान, प्रचलित ऐन, कानुन र नियमबमोजिम सामान्य जीवनयापन गर्ने उनीहरूले जनाएका छन् ।