Skip This
कान्ति लोकपथको ललितपुर खण्डमा खसेका दुईवटा पहिरो हटाउने काम तीव्र पारिएको छ । लगातारको वर्षापछि अवरुद्ध सडक सञ्चालनमा ल्याउन सोमबार बिहान ५ बजेदेखि तीनवटा एक्स्काभेटर परिचालन गरिएको कान्ति लोकपथ मकवानपुरका इन्जिनियर साजन न्यौपानेले जानकारी दिए ।
उनका अनुसार दुवै स्थानको पहिरो पन्छाउने काम भइरहेको छ । बिहान १० बजेसम्म सडक खुलाएर सवारी आवागमन सञ्चालन गर्ने लक्ष्य राखिएको उनले बताए ।
कान्ति लोकपथ अन्तर्गत मकवानपर खण्ड सुचारु भएपनि पहिरोका कारण ललितपुर खण्डमा सडक अवरुद्ध हुँदा हेटौँडा–काठमाडौं आवतजावत प्रभावित भएको छ । पहिरो हटाएपछि सडकको अवस्था परीक्षण गरी सवारी सञ्चालन गरिने आयोजनाले जनाएको छ ।
2022-09-29-12-22-58.jpeg)
