- वि.सं २o८३ श्रावण १६ शनिबार
नेपाल राष्ट्र बैंकले नेपाल सरकारको ‘करदाता प्रोत्साहन उपहार कार्यक्रम, २०८३’ प्रभावकारी रूपमा सञ्चालनका लागि आवश्यक तयारी गर्न सबै भुक्तानी सेवाप्रदायक (पिएसपी) संस्थालाई निर्देशन दिएको छ ।
राष्ट्र बैंकको भुक्तानी प्रणाली विभागको परिपत्रमा आन्तरिक राजस्व विभागले सञ्चालन गर्न लागेको उक्त कार्यक्रमका लागि विद्युतीय प्रणालीबिच अन्तरआबद्धता स्थापना गरी आवश्यक सहजीकरण गर्न सबै अनुमतिपत्रप्राप्त भुक्तानी सेवाप्रदायकलाई निर्देशन दिइएको हो ।
उपभोक्ताले सरसामान खरिद गर्दा अनिवार्य रूपमा बीजक लिन प्रोत्साहन गर्न भन्दै सरकारले ‘करदाता प्रोत्साहन उपहार कार्यक्रम’ सञ्चालनमा ल्याएको छ । कार्यक्रममा नेपालभित्र आफ्नै प्रयोजनका लागि एकपटकमा एक सय रुपैयाँभन्दा बढी मूल्यको वस्तु वा सेवा खरिद गर्ने अन्तिम उपभोक्ता सहभागी हुन सक्ने प्रावधान छ । स्वचालित प्रणालीमार्फत प्रत्येक दिन एकजना वजेता तथा प्रत्येक १५ दिनमा एकजना बम्पर विजेता छनोट गरिने व्यवस्था गरिएको छ ।
