- वि.सं २o८१ असार ४ मंगलबार
अँगेनोमा राखेको लाइटर पड्किँदा अछाम ढकारी– ६ मोयमा एक घर जलेर नष्ट भएको छ । आगो बाल्न प्रयोग गर्ने गरिएको लाइटर अत्यधिक गर्मीले तातेर पड्किँदा सोमबार दिउँसो स्थानीय हरिचन कामीको खरले छाएको घर जलेर सखाप भएको स्थानीय नेत्रबहादुर बुढाले बताए ।
उनका अनुसार दिउँसो घरमा कोही नभएका वेला चुलोछेउमा राखिएको लाइटरभित्रको ग्यास विस्फोट भएपछि एकाएक घरमा आगोको मुस्लो देखिएको थियो ।आगलागीले नगदसहित आन्नपात, लत्ताकपडा र अन्य दैनिक प्रयोगका सामग्री जलेर नष्ट भएको कामीले बताए ।
यस क्षेत्रमा पहिलोपटक अत्यधिक गर्मी महसुस भइरहेको स्थानीयले बताएका छन् । जसका कारण गाउँका खरले छाएका घर तथा गोठमा आगलागीको जोखिम बढेको छ ।
