- वि.सं २o८१ बैशाख १७ सोमबार
नेकपा माओवादी केन्द्रनिकट प्रवासी नेपालीहरूको संगठन नेपाली जनप्रगतिशील मञ्च साउदी अरबको अध्यक्षमा रामचन्द्र वाग्ले निर्वाचित भएका छन् । छैटाैँ अधिवेशनबाट अध्यक्षमा वाग्लेसहितकाे ४३ सदस्यीय कार्यसमिति निर्विरोध निर्वाचित भएको हो ।
साउदी अरबको दमाममा आयोजित अधिवेशनवाट पाँचजना उपाध्यक्षमा बबिता भण्डारी, हरि बुढाथोकी, राजन खड्का, शहवाज हैदर, गंगा गोदार निर्वाचित भएका छन् । महासचिवमा वासुदेव सापकोटा, पाँचजना सचिवमा युनिक तामाङ, सीताराम रिमाल, विपिन शर्मा निरौला, दीपेन्द्र खत्री र हरिभक्त मगराती निर्विरोध निर्वाचित भएका छन् ।
यसैगरी, कोषध्यक्षमा सुजन पुडासैनी, सहकोषध्यक्षमा तारा सेन्चुरी, प्रवक्तामा भक्त कार्की निर्वाचित भएका छन् । सदस्यहरूमा सन्तोष देवकोटा, रमेश लाम्घाते, वीरमान घलान र गोविन्द ओलीलगायत रहेका छन् । अधिवेशनको पूर्वऊर्जामन्त्री एवं माओवादी केन्द्रका उपाध्यक्ष पम्फा भुसालले उद्घाटन गरेकी थिइन् ।
अधिवेशनमा पूर्वसञ्चारमन्त्री एवं माओवादी केन्द्रका सचिव राम कार्की, एनआरएन मध्य पूर्वसंयोजक राजेन्द्र अर्याल र साउदी अध्यक्ष रविना अर्याल, नेपाली दूतावास रियादका उपनियोग प्रमुख (डिसिएम) डा. डमरुबल्लभ पौडेल, नेपाली जनप्रगतिशील मञ्च कतार, ओमान, दुबई, युरोप( बेल्जियम)का प्रतिनिधि र साउदी अरबमा रहेको विभिन्न संघसंस्थाका पदाधिकारीको सहभागिता रहेको थियो ।
