- वि.सं २o८१ बैशाख १७ सोमबार
धादिङ चेम्बर अफ कमर्सको अध्यक्षमा गोविन्दकुमार श्रेष्ठ पुनः निर्वाचित भएका छन् ।
नवनिर्वाचित अध्यक्ष श्रेष्ठ धादिङमा चेम्बर अफ कमर्शको संस्थापक तथा तदर्थ समितिका अध्यक्ष हुन् ।
बिहीबार धादिङको सदरमुकाम धादिङबेसीमा भएको चेम्बर अफ कमर्श धादिङको प्रथम साधारणसभाबाट श्रेष्ठको अध्यक्षतामा १३ सदस्यीय जिल्ला कार्य समिति निर्वाचित भएको हो ।
साधारणसभाबाट समितिको उपाध्यक्षमा श्रवण त्रिपाठी र सदस्यहरुमा विनोद भण्डारी, सुरेन्द्रकुमार श्रेष्ठ, अर्मत थापा, सन्दीप घिमिरे, नीरञ्जन कँडेल, किस्मत अधिकारी, गकुलप्रसाद रुवाली, कुमारबहादुर बुढाथोकी, शरणकुमार श्रेष्ठ, उर्मिलादेवी कार्की र केशवप्रसाद थपलिया निर्वाचित भएका छन् ।
अध्यक्षमा निर्वाचित भएपछि अध्यक्ष श्रेष्ठले आर्थिक संकटले थलिएको धादिङको उद्योग व्यवसायको क्षेत्र सुधार गर्न कार्य योजना बनाएर अघि बढ्ने बताएका छन् ।
चेम्बर स्थापना भएदेखि नै वाणिज्य क्षेत्रको विकास र आर्थिक सम्वृद्धि तथा अन्य व्यावसायिक गतिविधिका क्षेत्रमा अग्रणी एवम महत्वपूर्ण भूमिका खेल्दै आएको पनि श्रेष्ठले बताए । मुलुकको आर्थिक स्थायित्वका लागि सरकार र निजी क्षेत्रले मिलेर काम गर्नुपर्ने श्रेष्ठको भनाइ छ ।
