- वि.सं २o८१ बैशाख १८ मंगलबार
अमेरिकी अन्तर्राष्ट्रिय सहयोग नियोग (युएसआइडी)अन्तर्गतको ऊर्जा नेपाल कार्यक्रमको सहयोगमा निर्माण गरिएको २३ वटा इभी चार्जिङ स्टेसनको उद्घाटन गरिएको छ ।
युएसआइडी ऊर्जा नेपालको तीन लाख ४६ हजार तीन सय १५ डलर सहयोगमा यात्री डिजाइन स्टुडियो र इ–स्टप लिमिटेडले बागमती प्रदेशको आँबुखैरेनी, कुरिनटार, चरौदी, काठमाडौं, दोलखा र धुलिखेलमा गरी कुल २३ वटा चार्जिङ स्टेसन निर्माण गरेका छन् ।
यसमध्ये एउटा मोबाइल इभी चार्जिङ स्टेसनसमेत रहेको छ, जुन नेपालकै पहिलो मोबाइल इभी चार्जिङ स्टेसन हो । सडकमा चार्ज सकिएर अलपत्र परेका सवारीसाधनको उद्धार गर्न यो बढी उपयोगी हुने विद्युत् प्राधिकरणका कार्यकारी निर्देशक कुलमान घिसिङले बताए ।
