इलाम २ र बझाङ प्रदेश सभा (१) मा १५ वैशाखमा हुने उपनिर्वाचनका लागि निर्वाचन आयोगले मतदान स्थल र केन्द्र तोकेको छ । प्रवक्ता शालिग्राम शर्मा पौडेलका अनुसार इलाम २ मा ७९ मतदान स्थल र १४९ मतदान केन्द्र तय गरिएको छ ।
बझाङ प्रदेश (१) मा ७४ मतदान स्थल र ९३ मतदान केन्द्र स्वीकृत भएको छ । आयोगले देशभरमा १० हजार ८९२ मतदान स्थल स्वीकृत गरेको छ । आयोगको अद्यावधिक मतदाता नामावलीअनुसार इलाम २ मा १ लाख १५ हजार ८८९ र बझाङ प्रदेश १ मा ६१ हजार ७४८ मतदाता छन् ।