- वि.सं २o८१ बैशाख २० बिहीबार
लोकप्रिय ब्रान्ड जिडब्लुएमको नेपालका लागि आधिकारिक वितरक भिजी इम्पेक्स प्रालिले नेपाली नयाँ वर्ष २०८१ को अवसरमा आकर्षक ‘सानदार नववर्ष २०८१’ योजना ल्याएको छ ।यो योजना जिडब्लुएमका लोकप्रिय मोडेल हाभल–एच सिक्स, जोलायन, इलेक्ट्रिक ओरा–०३ र पावर पिकअप गाडीमा रहेको कम्पनीले जनाएको छ ।
यो योजनामार्फत ग्राहकले विशेष लाभ पाउने कम्पनीले जनाएको छ । ओरा–०३ इभीमा भारी नगद छुट, फ्री एसेसरिज, एक वर्षसम्मको व्यापक बिमा र फास्ट चार्जरसहित पाँच लाख रुपैयाँसम्मको फाइदा पाउनेछन् । त्यस्तै, हाभलका एच सिक्स र जोलायनमा ८.५ लाखसम्मको फाइदासहित नगद छुट, एक वर्षसम्मको व्यापक बिमा, एक्सचेन्ज बोनस र फ्री एसेसरिज साथै पावरमा १० लाखसम्मको फाइदासहित इलेक्ट्रिक सनरुफ, लेदर सिट्स, सिक्स एयरब्याग र रिभर्स पार्किङ क्यामरा समावेश छन् ।
जिडब्लुएम नेपालले अटोमोटिभ उत्साहीलाई उनीहरूको ड्राइभिङ अनुभवलाई खास बनाउने यो योजना ल्याएको बताइएको छ । यसमा प्रभाव र लक्जरीका फाइदा ल्याउने विशिष्ट सम्झौताका साथ यो नयाँ वर्ष विशेष बनाउने मौका प्रदान गरेको छ । ग्राहकले जिडब्लुएमको सोरुममा गई टेस्ट ड्राइभसमेत गर्न सक्ने कम्पनीले जनाएको छ ।
