जोखिम व्यवस्थापन, लैंगिक, डिजिटल तथा जलवायु वित्त क्षेत्रहरूमा क्षमता अभिवृद्धि गर्न सिद्धार्थ बैंक लिमिटेड र इन्टरनेसनल फाइनान्स कर्पोरेसन (आइसिएफ)बीच सम्झौता भएको छ ।
बैंकले डिजिटल फस्र्ट अभ्यास अपनाई सुशासन पक्षहरूमा केन्द्रित हुँदै दिगो विकासलाई सधैँ प्राथमिकतामा राखेर आफ्ना समग्र रणनीति, वातावरणमैत्री एवं समाजकेन्द्रित बनाउँदै आएको छ ।
उक्त सम्झौताले बैंकको क्षमता अभिवृद्धि तथा अन्तर्राष्ट्रिय असल अभ्यास अनुसरण गरी बैंकलाई अझ बढी सुदृढ एवं सबल बनाई आफ्ना लक्ष्यहरू हासिल गर्न थप टेवा पुग्ने विश्वास लिएको छ ।
आइसिएफको ग्लोबल ट्रेड फाइनान्स कार्यक्रमको सदस्य पनि रहेको बैंकले आइसिएफद्वारा आयोजित १०औँ ग्लोबल ट्रेड अवार्डमा बेस्ट अपरेटिङ बैंक इन साउथ एसिया २०२१ अवार्ड पनि पाएको छ ।
त्यसैगरी, केही समयअघि मात्र पनि सिद्धार्थ बैंक र आइसिएफबीच नेपालका लघु, साना तथा मझौला उद्यमीहरूको व्यवसायमा र जलवायु वित्त पोषणमा लगानी गर्ने सम्झौता गरिसकेको छ ।