नेपाल क्रिकेट संघ (क्यान)ले आयरल्यान्ड र भारतको गुजरातमा खेलिने एसएमएस फ्रेन्डसिप कपका लागि १५ सदस्यीय टोली घोषणा गरेको छ ।
यी दुई टी-२० क्रिकेट शृंखलाका लागि रोहित पौडेलको कप्तानीमा टोली घोषणा भएको हो । दुवै शृंखला नेपालबाहिर खेलिनेछन् ।
टोलीमा आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, अनिल साह छन् । यस्तै, गुल्सन झा, दीपेन्द्रसिंह ऐरी, ललित राजभण्डारी, करण केसी, सोमपाल कामी, प्रतीश जिसी, अविनाश बोहरा र आकाश चन्द छन् । आकाश पहिलोपटक टिममा परेका हुन् ।