सांसद प्रभु साहले अवैध उत्खननको विरोध गर्दा मृत्यु भएका दिलीप महतोलाई सहिद घोषणा गर्न माग गरेका छन् ।
प्रतिनिधिसभाको आजको बैठकमा विशेष समयमा बोल्दै सांसद साहले अवैध उत्खननकाे विरोध गर्दा मारिएका धनुषाका दिलीप महतोलाई सहिद घोषणा गर्न माग गरेका हुन् ।
उनले पीडित परिवारलाई क्षतिपूर्तिको व्यवस्था गर्न पनि माग गरे । ‘अवैध उत्खननको विरोध गर्दा क्रसर व्यवसायीद्वारा हत्या गरिएका दिलीप महतोलाई अहिलेसम्म सहिद घोषणा गरिएको छैन । पीडित परिवार न्याय खोज्दै काठमाडौं आइपुगेको छ । म सरकारसमक्ष दिलीप महतोलाई सहिद घोषणा गर्न र पीडित परिवारलाई क्षतिपूर्तिको व्यवस्था गर्न माग गर्दछु ।’