- वि.सं २o८o फाल्गुण १२ शनिबार
युजिसा इन्टरनेसनलको आयोजना र राज्य मिडिया नेटवर्कको सहआयोजनामा हुन लागेको रियालिटी साे ‘र्याप ब्याटल नेपाल’को अडिसन सुरु भएको छ।
सिक्किमबाट सुरु गरिएको अडिसन दार्जिलिङ, सिलिगुढी र बिर्तामोडमा सकिएको छ। आइतबार इटहरीमा अडिसन हुने बताइएको छ। यो साे एपी वान टेलिभिजनमार्फत अप्रिलबाट प्रसारणमा आउनेछ।
नेपाली सांगीतिक फाँटदेखि बलिउडका संगीतकर्मी शोमा निर्णायक रहने शोका निर्देशक सानु खानले जानकारी दिए। इभेन्ट निर्देशक डेभिलसिंह राजपूतले युवासहित सबै किसिमका दर्शकलाई सांगीतिक माहोलमाझ रम्ने वातावरण साेले दिने बताए।
गायक, संगीतकार तथा र्यापर विनोद ढकालसमेत निर्णायक रहने उक्त अडिसन इटहरीपछि झापा, जनकपुर, चितवन, पोखरा हुँदै अन्त्यमा काठमाडौंमा हुनेछ।
फागुन १३ गते इटहरीको होटेल मादेन इन, फागुन १५ गते जनकपुरको होटेल राजदरबार नवरंग रिसोर्ट, फागुन १७ गते चितवनको भरतपुरस्थित चितवन गार्डेन रिसोर्ट, फागुन १९ मा पोखरा लेकसाइडस्थित क्लब सिक्स्टिन र २१ एवं २२ फागुनमा काठमाडौंमा हुने बताइएकाे छ।
