नेपाल पर्यटन बोर्डको कार्यकारी समिति सदस्य मिलन देवकोटाले सदस्य सचिवको जिम्मेवारी पाएकी छिन् । बोर्ड कार्यकारी समितिको ३६२औँ बैठकले उनलाई सदस्य सचिवको जिम्मेवारी दिने निर्णय गरेको हो ।
देवकोटा पर्यटन बोर्डको पहिलो महिला सदस्य सचिव बनेकी छिन् । पर्यटन बोर्ड १६ माघदेखि कार्यकारी प्रमुखविहीन बनेको छ । पर्यटन सचिव एवं बोर्डका अध्यक्ष डा. दीपक काफ्लेले कार्यकारी प्रमुखको नियुक्ति नभएसम्म (बढीमा तीन महिना)का लागि देवकोटालाई जिम्मेवारी दिएका हुन् ।
पर्यटन बोर्डको कार्यकारी समितिको अध्यक्षमा पर्यटनमन्त्री रहने व्यवस्था छ । अहिले बोर्डमा तीनजना कार्यकारी सदस्य चयन गर्ने प्रक्रिया जारी छ । कार्यकारी सदस्यहरू चयनपछि बल्ल कार्यकारी प्रमुख छनोट गरिन्छ ।