- वि.सं २o८o माघ ९ मंगलबार
सिराहाकाे एक पसलमा आगलागी हुँदा ७० लाखभन्दा बढीको क्षति भएको छ। नरहा गाउँपालिका- २ पानबारी चोकस्थित लक्ष्मी जनरल स्टोरमा सोमबार साँझ आगलागी भएको हो।
आगलागीबाट पसलमा रहेको ७० लाखबराबरको सरसामान जलेर नष्ट हुनुका साथै घर पनि क्षतिग्रस्त भएको छ। आगलागी हुनुको कारण खुल्न नसकेको र थप अनुसन्धान भइरहेको सिराहा प्रहरीले जनाएको छ।
नरहा– ५ बालुवा चोकका सत्तो यादवले भाडाको घरमा सञ्चालन गरेको पसलमा सोमबार राति करिब ८ बजेतिर आगलागी भएको हो। प्रहरीले स्थानीय र वारुणयन्त्रको सहयोगमा आगो नियन्त्रणमा लिएको थियो।
