एनआइसी एसिया लघुवित्तको अध्यक्षमा सुवर्ण पौडेल नियुक्त भएका छन् । एनआइसी एसिया बैंकको प्रतिनिधित्व गर्दै आएका सञ्चालक तथा अध्यक्ष सन्तोषकुमार राठीले राजीनामा दिएपछि संस्थाको सञ्चालक समितिको बैठकले राजीनामा स्वीकृत गरी पौडेललाई अध्यक्षमा नियुक्त गरेको हो । बैठकले सर्वसम्मतिमा नै हाल सञ्चालक रहेका पौडेल संस्थाको सञ्चालक समिति अध्यक्षमा चयन गरेको बताइएको छ ।
व्यवस्थापनमा स्नातकोत्तर गरेका पौडेलले हाल एसएमई फाइनान्सिङमा विद्यावारिधि गरिरहेका छन् । इमर्जिङ नेपालमा निमित्त प्रमुख कार्यकारी अधिकृतको जिम्मेवारी बहन गरिसकेका उनीसँग व्यवसाय परामर्श, लगानी तथा वित्तीय क्षेत्र गरी एक दशकभन्दा बढीको कार्यानुभव रहेको छ ।