दाङको भालुवाङस्थित राप्ती पुलबाट यात्रुवाहक बस खस्दा कम्तीमा पाँचजनाकाे मृत्यु भएको छ । २५ भन्दा बढी घाइते भएका छन् । मृत्यु भएकाहरूकाे पहिचान खुलेको छैन ।
इलाका प्रहरी कार्यालय भालुवाङका प्रहरी निरीक्षक उज्ज्वल सिंहका अनुसार पाँचैजनाकाे घटनास्थलमा मृत्यु भएकाे हाे । शवहरू गाडीले च्यापिएको अवस्थामा थिए । सुरक्षाकर्मी र स्थानीयले शव निकालेका हुन् । प्रयास भइरहेको उनले जानकारी दिए ।
नेपालगन्जबाट काठमाडौं जाँदै गरेको भे. १ख ३९१२ नम्बरको यात्रुवाहक बस शुक्रबार राति साढे १० बजेतिर पुलबाट एक्कासि नदीमा खसेको हो । बसको आधा भाग पानीमा र आधा बाहिर रहेको छ । दुर्घटनामा घाइते भएकाहरूलाई उद्धार गरेर उपचारका लागि भालुवाङ अस्पतालमा लगिएको छ । प्रहरी तथा स्थानीय अहिले पनि उद्धारमा जुटिए रहेका छन् ।
तीव्र गतिका कारण अनियन्त्रित भई बस पुलबाट खसेको हुन सक्ने प्रहरीकाे अनुमान छ ।