म्यानमारको नौसेनाद्वारा १.४५ टन लागुऔषध बरामद

Read Time : < 1 मिनेट

रासस, याङ्गुन

नयाँ पत्रिका

२o८१ बैशाख १७ सोमबार १२:२६:oo

म्यानमारको नौसेनाले आफ्नो क्षेत्रीय जलक्षेत्रमा १.४५ टन मेथाम्फेटामाइन (आइसिई) बरामद गरेको छ। लागुऔषध दुरुपयोग नियन्त्रणका लागि केन्द्रीय समिति (सिसिडिएसी)ले बिहीबार सो घटनाबारे जानकारी गराएको हो।

अनुसन्धान अधिकारीहरूले जनवरी ४ मा म्यानमारको क्षेत्रीय जलक्षेत्रमा काठको डुंगाको छानबिन गर्दा उक्त लागुपदार्थ जफत गरेका हुन्।

जफत गरिएका लागुऔषधको मूल्य ३६.२५ बिलियन क्याट (१७ मिलियन अमेरिकी डलरभन्दा बढी) रहेको बताइएको छ । यस मुद्दामा पाँचजना शंकास्पद व्यक्तिलाई पक्राउ गरिएको छ।

पक्राउ परेका पाँच अपराधीसहित सातजनालाई लागुऔषध तथा साइकोट्रोपिक पदार्थ कानुनअन्तर्गत मुद्दा चलाइएको छ। यस घटनाबारे थप अनुसन्धान भइरहेको बताइएको छ।

#म्यानमार # लागुऔषध