देशभर मान्यजनको हातबाट दसैँको टीका र जमरा लगाइएको छ । बिहान ११ बजेर दुई मिनेटको शुभसाइतमा हिन्दू धर्मावलम्बीहरूले आ–आफ्ना मान्यजनबाट टीका र जमरा लगाएका हुन् ।
नेपाल पञ्चांग निर्णायक समितिले आज दिनभर नै टीका र जमरा लगाउन सकिने जनाएको छ । नवदुर्गाको प्रसादका रूपमा विजयादशमीका दिन टीका र जमरा लगाउने चलन छ ।
आज टीका लगाउनेहरूलाई मान्यजनहरूले यश, ऐश्वर्य, दीर्घायु र स्वस्थ रहन आशीर्वाद दिने गर्छन् ।