- वि.सं २o८१ बैशाख १७ सोमबार
कतार विश्वकप २०२२ को च्याम्पियन अर्जेन्टिनाले सन् २०२६ मा आयोजना हुने फिफा विश्वकपअन्तर्गत आफ्नो समूहको तेस्रो खेलमा जित हासिल गरेको छ ।
दक्षिण अमेरिकी छनोटअन्तर्गत आज बिहान भएको खेलमा अर्जेन्टिनाले पाराग्वेलाई १–० ले पराजित गरेको हो । अर्जेन्टिना आफ्ना नियमित कप्तान लियोनल मेसीविना नै मैदानमा उत्रिएको थियो ।
मेसीको अनुपस्थितिमा डिफेन्डर निकोलस ओटामेन्डीले नै अर्जेन्टिनाको नेतृत्व गरेका थिए । उनले खेलको तेस्रो मिनेटमै हाफ भलीमा आकर्षक गोल गरेका थिए ।
तेस्रो जितपछि अर्जेन्टिना समूहमा नाै अंकसहित शीर्ष स्थानमा रहेको छ । अर्जेन्टिनासँग बराबरी गर्ने मौका रहे पनि आजै भएको अर्को खेलमा ब्राजिल बराबरीमा रोकिन पुग्यो ।
दक्षिण अमेरिकाका १० राष्ट्र छनोट प्रतियोगिता खेलिरहेका छन् । शीर्ष ६ टिम विश्वकपमा सीधै छनोट हुनेछन् । सातौँ स्थानमा रहने टोलीले प्लेअफ खेल्नुपर्नेछ ।
