- वि.सं २o८o असोज ११ बिहीबार
महालक्ष्मी विकास बैंक लिमिटेडले स्वास्थ्य, शृंगार र होटेल तथा रेस्टुरेन्ट क्षेत्रका संस्थाहरूसँग समन्वय गरी ती संस्थाका वस्तु तथा सेवामा आफ्ना ग्राहकलाई छुट पाउने सम्झौता गरेको छ ।
बैंैकले आफ्नो डेबिट अथवा क्रेडिट कार्ड तथा मोबाइल बैंकिङ प्रयोग गर्ने ग्राहकले छुट पाउने व्यवस्था गरेको हो । सम्झौताअनुसार ग्राहकले ललितपुरको धापाखेल अस्पतालको ओपिडी र आइपिडी सेवामा १० प्रतिशत तथा फार्मेसीमा ५ प्रतिशत छुट पाउने जनाइएको छ ।
त्यस्तै, भैरहवामा रहेको एसियन बुद्ध होटेलमा फुड, वेभरेज तथा ग्रिल बारमा १० प्रतिशत र स्पामा २० प्रतिशत, तनहुँको आँबुखैरेनीमा रहेको मल्ल फेन्सीमा फेन्सी सामानमा १० प्रतिशत छुट पाउने बैंकले जनाएको छ ।
यसका साथै मकवानपुरको हेटौँडामा रहेको रिसु ब्युटिपार्लरमा एक हजार रुपैयाँभन्दा बढीको सौन्दर्य सेवा लिँदा १० प्रतिशत तथा काठमाडौंको बाँसबारीमा रहेको ब्युटिफुल कलेक्सनमा क्लोदिङ प्रोडक्टमा १० प्रतिशत तथा ब्याग्स एन्ड सुजमा ५ प्रतिशत छुट पाइने जनाइएको छ ।
यस किसिमको सहकार्यबाट बैंकका डेबिट अथवा क्रेडिट कार्ड तथा मोबाइल बैंकिङ प्रयोग गर्ने ग्राहक प्रत्यक्ष रूपमा लाभान्वित हुने बैंकले विश्वास व्यक्त गरेको छ ।
