राष्ट्रिय योजना आयोगका उपाध्यक्ष डा. मीनबहादुर श्रेष्ठ ग्लोबल फर सेयर डेभलपमेन्ट फोरममा सहभागी हुन शनिबार चीन प्रस्थान गरेका छन् । चीनको बेइजिङमा हुने पहिलो उच्चस्तरीय ग्लोबल फर सेयर डेभलपमेन्ट फोरममा सहभागी हुन उनी चीन प्रस्थान गरेका हुन् ।
उक्त फोरममा विभिन्न २० देशका मन्त्रीस्तरीय प्रतिनिधिहरू सहभागी हुँदै छन् । कार्यक्रममा विश्वचर्चित अर्थविद् जेफर स्कासका साथै इन्टरनेसनल फन्ड फर एग्रिकल्चर डेभलपमेन्ट (आइएफएडी) र फुड एन्ड एग्रिकल्चर अर्गनाइजेसन (एफएओ)जस्ता संस्थाहरूको समेत सहभागिता हुनेछ ।
आइतबार बेइजिङ फ्रेन्डसिप होटेलमा चिनियाँ विकास (सिआइडिसिए) उपमन्त्री डेङ्ख वोइङ र उपाध्यक्षबीच भेटघाट हुनेछ । सोमबार उपाध्यक्षले फोरमको औपचारिक समारोहमा सहभागी हुने तथा सम्बोधन गर्ने कार्यक्रम छ । मंगलबार भने उपाध्यक्ष श्रेष्ठ र चिनियाँ उपराष्ट्रपति हान चेङ्खसँग औपचारिक भेटघाट हुनेछ । सोही दिन राति उपाध्यक्ष श्रेष्ठ स्वदेश फर्कनेछन् ।