- वि.सं २o८१ बैशाख २२ शनिबार
मोक्षदा टी–१० कप क्रिकेट प्रतियोगिताको सेमिफाइनल समीकरण पूरा भएको छ । बुधबारको खेलसँगै सेमिफाइनल पुग्ने चारै टोलीको टुंगो लागेको हो । फाइनल प्रवेशका लागि आयोजक मोक्षदा स्कुलले युनाइटेड स्कुलको सामना गर्नेछ ।
अर्को सेमिफाइनल एलआरआई र एपिएल स्कुलबीच हुनेछ । ललितपुरको हात्तिवनस्थित ग्रेट हिमालयन क्रिकेट एकेडेमीमा भएको पहिलो क्वार्टरफाइनलमा ईशान शाहको उत्कृष्ट प्रदर्शनमा मोक्षदाले डिएभी स्कुललाई हरायो ।
एलआरआईले सेन्ट जेभियर स्कुलाई पाखा लगायो । युनाइटेडले जेम्समाथि जित निकाल्यो । अन्तिम क्वार्टरफाइनलमा एपिएलले अक्षरा स्कुललाई हरायो । ११ टोली सहभागी प्रतियोगिताका विजेताले दश हजार र उपविजेताले पाँच हजार रुपैयाँ पाउनेछन् ।
