अनुहारको स्याहारसँगसँगै ओठको सौन्दर्य कायम राख्नमा पनि हामीले ध्यान दिन जरुरी छ । पानी प्रशस्तै पिउनुस् । ओठमा ताजा र शुद्ध घ्यू लगाउन सक्नुहुन्छ । यसले ओठलाई गुलाबी बनाउँछ र कालोपन टाढा राख्छ । क्रिम पनि प्रयोग गर्न सक्नुहुन्छ । मह र चिनी मिक्स गरेर ओठमा लगाउनुस् र मसाज गर्नुस् । सीधै महले मसाज गर्दा पनि सुक्खापन हट्छ ।
- एलोभेरा जेलमा थोरै मह मिलाएर ओठमा मसाज गर्नुस् । १० मिनेटपछि धुनुस् ।
- लिपस्टिक लगाउनुअघि लिप बाम लगाउनुस् । गुणस्तरीय लिपस्टिक मात्रै प्रयोग गर्नुस् ।
- सुत्नुअघि लिप मेकअप निकालेर सुत्नुस् ।
- ग्लिसिरिनको आधा बोतलमा दुईवटा कागती मिसाएर राख्नुस् । यसलाई दिनमा धेरैपटक ओठमा लगाउनुस् ।
- गुलाफको थोरै पत्तालाई थोरै दूधमा रातभर भिजाएर राख्नुस् । बिहान यसको पेस्ट तयार गरेर ओठमा लगाउनुस् । १०–१५ मिनेट राखेपछि धुनुस् ।