मल्टिमिडिया डिजिटल संस्करण

जलहरीकाे सुन जोख्न खाली गराइयाे पशुपति क्षेत्र

जलहरीको सुन जोख्न अख्तियार दुरुपयोग अनुसन्धान आयोग, नेपाल प्रहरी, पशुपति क्षेत्र विकास कोष, नेपाल सुनचाँदी व्यवसायी महासंघ, जनप्रतिनिधिलगायत आउने भएपछि पशुपति परिसर खाली गरिएको छ। 

आइतबार साँझ  ६ बजे सुन जोख्न उक्त टोली आउने भएपछि मन्दिरका चारवटै ढोका बन्द गरिएको छ भने भक्तजनहरूलाई त्यहाँबाट हटाइएको छ। महालेखापरीक्षकको कार्यालयको प्रतिवेदनअनुसार जलहरी बनाउँदा करिब ११ किलो सुन गायब भएको छ। 

तत्कालीन राष्ट्रपति विद्यादेवी भण्डारीले विवादबीच पशुपतिनाथ मन्दिरमा १२ फागुन ०७७ मा एक सय आठ किलो सुनको जलहरी अनावरण गरेकी थिइन्। 

करिब एक अर्ब रुपैयाँ खर्चेर निर्माण गरिएको जलहरी अनावरण गर्ने अन्तिम समयमा सर्वोच्च अदालतमा रिट परेपछि निर्धारित समयभन्दा तीन दिनअघि नै राष्ट्रपतिले उद्घाटन गरेकी थिइन्।

सुन हिनामिनाको आरोप लागेपछि कही दिनअघि कोषका सदस्यसचिव मिलनकुमार थापाले संसदीय समितिमा उक्त  आरोप अस्वीकार गर्दै सुन जोख्न अनुरोध गरेका थिए।

सिफारिस

पशुपतिनाथको जलहरी : सुन जोख्ने तयारी