धादिङको धुनिबेँसी नगरपालिका– ६ स्थित गणेश खोलामा आएको पहिरोले सोमबारदेखि पृथ्वी राजमार्गअन्तर्गतको नौबिसे सडकखण्ड ठप्प छ । सोमबार करिब ४ः३० देखि सडक अवरुद्ध भएको प्रहरीको भनाइ छ ।
पहिरो गएलगत्तै सोही स्थानमा धादिङस्थित गणबाट खटिएको नेपाली सेनाको इन्जिनियर टोलीले सडक विभागका कर्मचारीसँग सहकार्य गरी काम गरिरहेको छ । रातभरि करिब १० फिटबाट ग्याबियन वायर लगाएर माटो र ढुंगा भर्ने काम गरिरहेको नेपाली सेनाले जनाएको छ ।
अवरुद्ध सडक जतिसक्दो छिटो खुलाउन बिहानैबाट थप सेना परिचालन गरिएको पनि जनाइएको छ ।
See More On
